Отабек Муталхужаев

Муталхужаев Отабек Оловиддинович 18 июл 1984 йил Тошкент шахрида тугилган, маълумоти олий-Тошкент давлат техника университетини нефть ва газ факультетини битирган. 2007 йил «Нихол» мукофоти совриндори.

Оилада 3 фарзанднинг тунгичи. Хинд кинофилмлари ашаддий мухлиси

Яхшигина соха эгаси булишингиз мумкин эди, нима учун санъатни танладингиз?

-Ёшликдан санъатга булган кизикиш. Укишни битириб, маълум бир вакт уз сохам буйича ишлаб, унда ютукларим булиб, мансаб погонасидан кутарила бошлангач, бирданига санъат йулини танлаганимда, албатта уйдагилар тарафидан каршиликлар булган. Ота-она барибир, уз фарзандини келажагини уйлайди, фарзандда кандай хохиш истак булмасин, ёшлик, уткинчи деб каралиши мумкин. Хозирги кунда ривожланаётган шу нефть ва газ сохаси буйича укишга киришимни хохлашган. Укишга кирдим, бу билан биргаликда ёкилги куйиш шахобчасида оператор  Кейинчалик навбатчи устаси булдим, 3-4 йиллик кейинги стажларимда мансаб тарафлама кутарилдим хам.  Кейин шундай бир вазият булди-ки, менга санъатда узимни синаб куриш имконияти яралиб колди. Шунчалик кизикиб кетдим-ки, ишлаётган сохам хам кизиктирмай куйди. Хаёл фикрим шу болаликдан булган, интилган, исталган орзуимга етишиш эди. Ишдан бушадим… Институтни тамомлаб санъатга берилиб кетдим. Купрок бунга Шухрат окам сабабчи деб хисоблайман. булиб хам ишладим.

Окангиз санъаткормилар?

-Йук, улар санъат шинавандаси. Мендаги булаётган интилиш, харакатимни куриб, «Харакат килиб кур, кани ижроингни курайлик-чи, синаб курамиз, агар биринчи кушигинг муваффаккиятлик чикса, узим хомийлик киламан» дедилар. Кейинчалик эса ока-укадек муносабат эмас, «деловой партнер» булдик

Ижодий "учлик": Продюссер Феруза Нодирова, Отабек ва унинг окаси хамда "деловой партнер"и Шухрат ока.

Кимдур санъатга пулни деб кадам куйса, Сиз мансаб ва яхши ойлик булиши кутилган сохадан воз кечибсиз. Нима учун узингиздаги иктидорни сезган булсангиз бошиданок  шу укишга топшириб ишлаб юрдингиз? Ушандаёк харакат килмадингиз?

-Тугрисини айтсам унда кузим етмаганди. Хеч ким куллаб кувватламаганди-да. Хамма факат оркага кайтарарди, «Санъатга кириб сен хеч ким була олмайсан»-деб.

Айнан санъатни нимасига кизикардингиз?

-Кушик куйлашга. Актерликка. Рахматли бувам Файзулла Муталхужаев хаваскор театрида актер булганлар. «Тохир Зухра» спектаклида Тохир ролини ижро этардилар.

Куплаб роллар хусусида бизларга кичиклигимизда гапириб берардилар. Дуторлар чалиб бериб ургатар эдилар. Ушандан кизикиш булиб куйилиб борган мияга. Конда бор деса хам булади. Дадам хам маълум даражада санъаткор деса хам булади-ю,  лекин, маълум бир сабаларга кура танила олмаганлар. Лекин жудаям овозлари уткир, рахматли бувамни овозлари хам жуда кучли булган. У пайтлар сахнада кушикларни жонли равишда ижро этишарди. Халк хизматида юришган.

Мухлисларга янги йил байрамига тайёрланган «Оловиддиннинг янги саргузаштлари»  филмда Оловиддин ролингиз билан машхур булдингиз. Танилиш жудаям тез ва маъсулиятлирок булгандек, чунки дарров бундай катта лойихада бош рол, яна устоз санъаткорлар билан.

-Асосан, албатта купчилик билмаганлар шундай кино сохасидан кириб келди санъатга деб уйлайди, лекин, кенг оммага  аввал кушик куйлаб чикканман. Абдулхамид Чулпон тарафидан 1918 йил ёзилган   «Ойдан-да гузал» шеърини биринчи кушигим  сифатида лирик эстрада йуналишида 2005 йил куйлаб чикганман. Унга клип хам суратга олинган. Марказ канали эндигина очилган эди, кунига икки махалдан бир ойча эфирда «айлантирилган». Шу кушик халкга жудаям танилиб кетмаган булсада, канакадур купчилик билан айнан шу кушик оркали таниша бошладим. Журналистлар билан, телевидение ходимлари билан. Купчиликка манзур келган, сузлари хам Чулпонга тегишли маъноли. Уша пайтлар маъно тарафлама саёз кушиклар купайиб кетган эди. Мен жиддий ва огир кушик билан чикдим. Хит даражасига чикишга харакат килмаганман, менга купрок биринчи кушикни савияси мухимрок эди. Ва биринчи кушигимдан назарга тушганимдан хурсандман. Окам «Биринчи кушигинг сени хаётингни белгилайди, агар шу кушигинг менга ёкса, сени хеч ким куллаб-кувватламаса хам узим ёрдамлашаман» деганлар. Уша студияда шу кушик тугаётган махал окам кушикни тинглаб, «Булди энди сен билан ока-ука эмасмиз, буёгига бирга ишлаймиз» дедилар. Кинога кадам куйишимга Феруза Нодирова сабабчи булганлар, айнан биринчи кушигим эфирда булганида мени куриб мени кидирган эканлар. Лекин купчилик, «Олдида окаси бор, йулатмайди» дейишган. Вахоланки, мен улар билан ишлашни орзу килганман. Уша Ёдгор Мирзажонов билан биргаликдаги ютуклари, биргаликдаги газета, радио, телевидениедаги интервьюларини куриб бориб, хавас килардим. Канийди менда хам шундай продюсер булса, кийинчиликлардан утиш осонрок буларди деб уйлардим, чунки хозирги замонавий шоу-бизнесда продюсерсиз ишлаш кийин. Купчилик Феруза опамга мени топиб беришмаган. Биз уша пайтлар «Излай-излай» деган кушик ёзгандик ва унга клип суратга олиб ундан кунглимиз тулмаганди, чунки клип кинога ухшаб ораларида мулокот сузлари булган ва мен репетиция пайтида булган чогимда,  дубляж ишларидан хабар олгани телевидениега окам келиб, Феруза опани куриб колганлар. Окам хам жуда хаяжонланиб зурга Феруза опани олдига бориб, шу Отабекни окасиман деганлар. Аввалига «Кайси Отабек»? деб унча хушламайгина бепарво сураганлар, чунки, продюсерга купчилик мурожаат килавериши тайин-да. Шунда Муталхужаев деганларида, «Йуг-э? Мен узим кидириб юргандим шу болани, янгиликларини газетага бермокчи эдим, хеч ким топиб бермади» деганлар. Шундай килиб танишув булиб, кейин мен билан куришдилар ва  хамкорликда иш бошлаб юбордик. Уша пайт Узбекистон телеканали билан хамкорликда  янги йилга багишланган «Оловиддиннинг янги саргузаштлари» мусикий лойиха уйлаб куйишган экан. «Бош кахрамонни сен уйнайсан, узингга яхшигина реклама булади, кинода рол ижро килишга хам кизикишинг бор экан, мана сенга имконият» дейишди. Бошида куркдим. «Мен бу ролни ижро кила олмасам керак, хеч кандай театр ва актерлик дарслари олмаган булсам» дедим. Ичимда эса жон-жон деб турибман, кизикиш кучли. Феруза опа, «Йук бу имкониятни кулдан бой бермайсан, бу сенга айни керак нарса, фойдаланиб кол» деб куллаб-кувватлаганлар.

Умуман бошка соха вакили булиб, кушик куйлаб,  бирданига актерликка кадам куйиш. Барчаси бирданига ва тезликда. Вахоланки на теория ва на практика бор, шунчаки ички хохиш истак.  Кимдур Сиз билан ишладими актерлик махорати буйича масалан?

-Менга хамма ёрдам берди. Шу лойихада иштирок этаётганлар хаммаси куллаб кувватлаб ёрдам беришди. Менга иш жараёнининг узида якин булиб кетишди, билмадим, балки, узим билан кизиктира олдим-ми. Хамманинг ёрдами билан узимдан-узим киришиб кетиб, «очилиб» кетганман. Албатта утган кунимдан хеч качон афсусланмайман, лекин барибир уша ролимдан тулаконли коникдим дея олмайман. Хозирда уша ролни уйнаганимда пухтарок уйнаган булардим, чунки бугунги кунга келиб туртта филмда суратга тушган булсам, булар шу биринчи «Оловиддиннинг янги саргузаштлари», «Сехрли узук», «Сирли сиртмок» филмлари ва мана янги «Лола» филмида хам рол уйнаяптган булсам,  камера билан ишлаш, актерлар билан мулокотдан практикаларим бор дея оламан.  Мелис Абзалов мени куп нарсага ургатдилар, якинда  уларнинг «Сирли сиртмок» филмида рол ижро этдим ва бу филмнинг   премьераси хам булиб утди. Шу филмда купрок чархландим. Бирданига ва тезликда сузларингизга келсак, албатта теория булмаган булса-да, осон курилгани билан барчасида барибир мехнат бор-ку. Кийинчилиги булгани билан машхурлик билан ювиб кетяпти деб уйлайман. Четдан караганда осон хамиша туюлади,  бирданига ва тезликда деб, вахоланки осон эмас.

"Сирли сиртмок" филмидан лавхалар:

Сухбатга продюссер Феруза Нодирова кушиладилар:

-Бирданига ва тезликда  дейиш осон, лекин унинг ички хохиш истаги интилиши билан кучли.  Мен продюсер сифатида ёрдам бермаганим билан, барибир иктидор узини намоён киларди. Биз шунчаки туртки булдик. Доим нимадур сабачи булади-ку, агар узида  истъдод булмаса, кандай килиб?

 Продюссери Феруза Нодирова билан

Сиздаги ички хохиш ва истакдаги керакли самара бу актерликдан хам хонандаликдан хам буладиган аудитория, мухлис ва олкиш. Купрок узингизни актер деб хисоблайсизми, ёки хонанда?

-Тугрисини айтсам, купрок узимга хонанда дея таъриф бера оламан. Чунки айнан хонандалик ортидан актерликка хам кириб келдим. Агар хонанда булмаганимда мен хеч качон актер була олмас эдим деб уйлайман . Узимни устимда каттик ишладим дея оламан. Вокалдан дарс олдим.  Эстрада ва цирк коллежига Юнус Тураевдан дарс олгани катнадим, уз практикамни бойитиш учун. Шунда, улар «Мана хафтада дарсга уч маротаба олти ой давомида катнаган булсанг, бу ердаги турт йил тахсил олган болалар билан таккослаганда сендаги иштиёк ва интилиш кучли эканлигини сездим, сен олти ой ичида узлаштирган нарсани улар турт йил ичида олмаган булиши мумкин» дедилар. Уйлашимча шу айнан практикада катта гап дея оламан. Бу мен учун узим устимда ишлашим учун катта дарс булди. Устоз курмаса булмас экан.

Сизни агарда ун фоизгина булса хам мухлисларингиз булса, демак, Сизда маъсулият булиши керак, кейинчалик уз иктидорингизни бирон бир санъатга тааълукли маълумот билан тулдириш ниятингиз борми?

-2007 йил «Нихол» мукофоти совриндори булганимдан сунг, менга имтихонсиз укишга кириш имконияти   очилди. Бу йил шуни амалга оширмокчиман, Консерваторияга топшириш ниятим бор.

«Кассоб кассоблигини килгани яхши» деган фикр борасида купчилик санъаткорлар билан бахслашишга тугри келди. Сизнинг фикрингиз ва бу фикрга кандай ёндошасиз?

-Мен юрагим буюрган ишни киламан. Кизикдим-ми, демак бажараман. Иккисига улгура олмайсан, актерликни нима киласан, одам бир ишни килгани яхши, инсон бир жойда кукаради деган маслахатлар хам булди. Мен эса, «Бу хам санъат, иккиси хам санъат доирасидаги фаолият» деб жавоб беряпман.Майли менга кийин булсин, лекин иккиси хам бир санъат ва санъатга иштиёким борми, демак иккисини хам кила оляпманми демак уддасидан чикаяпман.

Узингизни ижодкор деб хисоблайсизми?

-Хисоблайман.

Унда ижод намуналарингиздаги хиссангиз неччи фоиз?

-Узимга узим бахо бера олмайман, лекин, баъзи санъаткорлар кушикни шундок тайёрини кучириб айтгани билан, мен шу пайтгача тайёр албомимдаги 12 кушик куйлаган булсам, биронтаси кучирма эмас. Хаммаси роялни тепасида туриб ижод килиниб, изланиб яралган кушиклар. Бу нисбатан таккослаш, фоизга келсак, даража сифатида улчаб айта олмайман-у, лекин хар бирида уз хиссам албатта бор. Гоя булади, узим хис килмаган нарсаларим хакида куйлаб такдим кила олмайман. Гоя четдан тайёр булгани билан хам узимга тугри келмаса кушик деб куйлаб кетавермайман. Юз фоиз хеч ким ижодидан коникмаса керак албатта, лекин шу тарафлама ижодимдан коникяпман, яъни кушикларим узимникилигидан, менга мослигидан. Шоир ва бастакорларнинг албатта хиссаси катта, менга мослаб тайёрлашади. Мени узимга ёкмаса халк кабул килаверади деб тайёрланмайди кушиклар. Менга ёкмаслигини барибир халк сезади.  Бастакор тарафидан йиллар мобайнида ёзилган деярли тайёр 10-20 кушикни келиб тинглаб мусиканинг «шираси»га, сузларнинг маъносига ахамият берган холда узимга мос тушгани, якинрогини,  хис килганимни танлайман.  Кейин узимни йуналишимга мослайман.

Филмларда талкин этган кахрамонларингизни кай бири хаётда Сизга якинрок?

-Хеч кайси бири. Факатгина «Оловиддиннинг янги срагузаштлари» филмидагир кахрамонимнинг самимийлиги, хеч кимга ёмонлиги йуклиги, соддалиги, факат яхшилик тарафдорилиги якинрок булди.

Янги суратга олинаётган «Лола» филми хакида нималар айта оласиз.

-Филм кучли рухий жанрида булиб, унда жудаям мураккаб булган Акром кахрамонини талкин киляпман. Филмдаги рухий кечинмаларга кира олдим ва куз ёшларим хам табиий булди, сохта эмас. Филмдаги мураккаб каскадерлик трюкларини аксариятини узим ижро этдим. Бу трюкларни мохир усталар ёрдамида улардан дарс олиб машгулотларда урганиб ижро килиб бердим. Филмда менинг хамкорим Азиз Раметов.

 "Лола" филми суратга олиш майдончасидан:

Салбий жихатларингиз булса керак Сизга халал берадиган?

-Купрок кайсар булсам керак.

Феруза Нодирова:

-Дарди ичида буладиганлар тоифасидан. «Ичимдагини топ» деганлардан.

Сухбатдан бундай хаёлга бормаган булар эдим, чунки жудаям очик ва жавобларидан хам сухбатга мойилликлари сезилади.

Феруза Нодирова:

-Чунки бу интервью, лекин купрок хаётда жуда камгап. Куп хаёл суради.

Отабек:-Ха, хаёлпарастрокман.

Балки хаёлларингиз аксарияти мухаббатдир?

-Йук мухаббат эмас.

Хаётда каттик, хакикий, хакконий севганмисиз?

-Йук хали.

Мухаббатсиз ижод ижодми? Ёки ижод намуналарингиз хиссиётлардан кура романтикага бойми?

-Мухаббатсиз ижодмас..(кулади). Куп хаёлларимни ижодларим оляпти, клиплар хакида уйлайман, кушикларим хакида. Ижодим хиссиётсиз эмас албатта. Кушик куйлаяптганда хинд киноларидан илхомланиб, уларни дардини ичига киришга харакат киламан. Атроф мухитдаги севган инсонларнинг бир-бирига муносабатидан, дил изхорларидан хавас килиб куйлайман.

Мухаббатни яхшигина татиган санъаткорнинг ижодида дарди, нолалари булади ва буни яхшигина тингловчига етказиб бера олса керак..

-Тугри, лекин, кийинчиликларни хам татиган инсонда дард ва нола булса керак. Мен ортда колган баъзи кийинчиликлар билан бойитсам керак ижодимдаги хиссиётни. Севги хаётимда булган, лекин, Сиз назарда тутаяптган «улдим-колдим» мухаббатга мубтало булмаганман.

Отабек нималардан илхомланади?

-Яхши филм ва мусикалардан.

Нималар газаблантиради? Ажаблантиради ва кувонтиради?

-Иккиюзламачилар. Хаётда мансаб обру ва омад булганда олдингизда булиб, кийинчиликларга дуч келганингизда йук булиб кетадиганлар ва оркадан керак булса  пастликка итариб юборадиганлар, уз манфаати оркасидан ёмонликкача борадиган инсонлар хам газаблантиради хам ажаблантиради. Бундай холатларга хаётим даврида хам ижодим давримда хам дуч келдим. Кувонтирадиган холатлар бу албатта барча яхшиликлардан иборат нарсалар, мухлислар олкиши, инсонларнинг ижодимга ижобий муносабати.

 Мансаб, пул ва самара, кай бири мухимрок?

-Албатта самарани биринчи уринга куяман. Чунки, самара булса колгани булаверади.

Мазкур интервьюдан хулосам узим кутмагандек ижобий булди. Чунки Отабекнинг узининг ёшига хос булмаган чукур ва теран фикрлаши, жавобларидаги яккол сезиладиган билим ва дунёкарашининг бойлиги кувонтирди. Кани энди хозир «болалаб» кетган янги «юлдузлар» хам  нафакат уз куринишига ургу бериб «ижодкор» булиб кетавермасдан, уз билим ва фикрлаш кобилиятларини хам чархлаб туришса.

Sayyod-Сардор Комилов.

Отабекнинг ижодидан Sayyod  суйган кушик:

Хазон инграр кадамимда,
Хиёбонлар ёлгиз кездим
Гам билмаган бола эдим
Бугун кунглим гариб сездим...

Отабек Муталхужаев- Хазонлар.