Yangi “Neksiya” Xaqida anchadan buyon gapirilmoqda. Internetda rasmiy fotosuratlar millionlab tirajda tarqatildi, “Neksiya” klubi azolari “Yangi “Neksiya” zo'rmi yoki “Kalina”, yohud “Logan?” degan mavzuda bag'slashib, qanchadan-qancha pivolarni ichib yuborishmadi deysiz. “Nexia new”ning taqdimot marosimidan reportaj uyushtirdi.
O'zbekistonda “Nexia” ishlab chiqarila boshlagani bilanoq u tilla tuhum beruvchi tovuq timsoli bo'ldi. O'z vaqtida model Rossiyada xaqiqiy bestsellerga aylandi. Chunki “Nexia” narh bo'yicha VAZ avtomobillariga real raqobat qiluvchi ilk horijiy mashina bo'ldi. “Neksiya”ni rul kuchaytirgich va konditsioner bilan buyurtma qilish mumkin bo'lsa, o'sha vaqtda “VAZ 2110”da yapon magnitolasi bo'lishiyoq dabdabadan nishon edi. Bugun VAZ avtomobillari gidrokuchaytirgich, konditsioner va xatto havfsizlik yostiqchalariga ega. Ho'sh, “Neksiya” revansh olishga tayyormi? Asakadagi avtozavod vakillari jurnalistlar uchun shunchaki taqdimot emas, zavodning yuragiga xaqiqiy ekskursiya uyushtirib berishdi. Biz “Daewoo” avtomobillari qanday yig'ilayotganiga guvox bo'ldik, biroq sizlarga N150 indeksli yangi “Neksiya” eski N100dan qanday farq qilishini tushuntirib beramiz. Ancha vaqt xukm surgan jimlikdan so'ng avtomobilda kompleks o'zgarishlar ko'zga tashlanmoqda. “Neksiya” yangicha ko'rinishga, salonga va xatto motorga ega bo'ldi. Umumiy xisobda, modelni takomillashtirish uchun 10 million AQSH dollari investisiya qilingan. Mashinaning tashqi ko'rinishi picha o'zgartirildi. CHiroqlar va bamperlarni o'zgartirib, dizaynerlar turli-tumanlik joriy etishgan. Agar “Neksiya” zamonaviy, moda ko'rinishiga ega bo'ldi, desak mubolag'a qilgan bo'lamiz. Garchi eski N100 model xam xech qachon dizaynerlik tanlovlarida yuqori o'rinlarga davogar bo'lgan emasa-da, Qirralari “yalab” olingan eski kuzov xammaga yoqgan edi. Yangi “Nexia” xaqida bitta narsani aytish mumkin — u o'zgargan!
Birinchi o'zgarish: Oldingi bamber integrasiyalashgan tumanga qarshi faralar bilan va yangi radiator panjarasiga ega.Ikkinchi o'zgarish: Blok-faralar. Endi ular taram-taram sochuvchilarsiz, shaffof polikarbonat optikaga ega. Farada yaqin masofa chiroqi uchun yangi blok va uzoq masofaning refkletorli bloki o'rnatilgan.
Uchinchi o'zgarish: Bagaj qopqog'i va orqa bamper. Davlat avtomobil raqami uchun joy bamperdan bagaj qopqog'iga ko'chirilgan. Aytish mumkinki, yangi
“Neksiya”ning orqa qismining ko'rinishi ko'p baxslarga sabab bo'lmoqda. Bunday cho'rt kesilgan fonarlarni birorta Evropa avtomobilida uchratmaysiz. Yaponiya, Koreya va Hitoy avtoishlab chiqaruvchilari Evropaga shu xadar taassub qilib ketishganki, “Neksiya”dagi bunday Osiyoga hos yangilik malum darajada taajjubga sabab bo'layotgani rost.
Interer. Asosiy o'zgarishlar oldingi panelga tegishli. Eski “Neksiya” haridorlari ko'xna dizayn va noqulayroq ergonomikadan shikoyat qilib turishardi. N150 esa uch simli rul chambaragi, firmali ikki qismli audiosistema, yangi priborlar paneli bilan maxtansa arziydi. Shuningdek, eshik qoplamalari materiali xam o'zgargan. Ushbu narh segmentida haridor plastik sifatiga kamroq etibor beradi. Asosiysi xamma narsa soz bo'lsin: pechka isitsin, tugmachalar tiqilib qolmasin, ming kilometrdan so'ng salonda xashoratlardan gerbariy paydo bo'lmasin! Bu borada “Neksiya”da xammasi joyida.
Rulga o'tirib ko'rar ekanman, bo'yi daroz insonga qiyin bo'lishini darxol angladim. Eskisidagidek, o'rindiqni bo'ylama sozlash diapazoni cheklangan. Agar o'rindiqni qulay masofaga sursangiz orqadagi passajirlarga joy kam qoladi. Yana bir kichik kamchilik — uzatmalar qutisi richagini tez almashtirsangiz, qo'lingiz audiosistema joystigiga tegib ketaveradi. Eski “Neksiya”da esa bunday muammo yo'q. Shu bilan kamchiliklarga nuqta qo'yilgan.
Zavod maydonidagi kichik sinov mashinaning motori va podveskasi maxtovga sazovor ekanligini namoyish etdi. N150 uchun uch hil to'rt silindrli benzinli motor tavsiya etiladi. Ularning ikkisi avvaldan malum: sakkiz klapanli va 75 ot kuchili, 16 klapanli va 85 ot kuchili. Yangisi
1,6 litr xajm, 105 ot kuchi quvvatga ega motor! Yangi dvigatel Evro-3 mryrlariga mos keladi. Bu yil Asakadagi avtozavodda 70 mingtaga yaqin yangi «Neksiya» tayyorlash rejalashtirilgan. Afsuski, yaqin kelajakda «Neksiya» avtomatik uzatmalar qutisi, havfsizlik estiqchalari bilan taminlanishi belgilanmagan. Demak, halq avtomobili uchun eng asosiysi narh xisoblanadi va u «Neksiya» N150 uchun avvalgidek qoladi.
|